The news is by your side.

Advertisement

بھارتی جاسوس کیلئے وکیل کا تقرر، درخواست کی سماعت آج ہوگی

اسلام آباد : بھارتی دہشت گرد کلبھوشن کیلئے وکیل مقرر کرنے کی درخواست پر اسلام آباد ہائی کورٹ کا خصوصی لارجر بنچ آج سماعت کرے گا۔

تفصیلات کے مطابق اسلام آباد ہائی کورٹ کا خصوصی لارجربنچ بھارتی جاسوس کلبھوشن یادیو کیلئے حکومت کی جانب سے وکیل مقرر کرنے کی وزارت قانون کی درخواست پر کل سماعت کریگا۔ خصوصی بنچ میں چیف جسٹس اطہر من اللہ، جسٹس عامر فاروق اور جسٹس میاں گل حسن اورنگزیب شامل ہیں۔

اسلام آباد ہائیکورٹ میں سماعت دوپہر دو بجے ہوگی، اس حوالے سے کازلسٹ آویزاں کردی گئی ہے، گزشتہ سماعت پر عدالت نے حکومت کو بھارت سے رابطے کا حکم دیا تھا تاہم اس معاملے پربھارتی ہائی کمیشن کی جانب سے جواب جمع نہیں کرایا گیا۔

گزشتہ سماعت پر عدالتی معاونت کیلئے وکلا مقرر کیے گئے،عدالتی معاونین اوراٹارنی جنرل نے بھی کوئی جواب داخل نہیں کرایا
عالمی عدالت انصاف کے فیصلے کی روشنی میں معاونت کا حکم دیا گیا تھا۔

یاد رہے کہ گزشتہ سماعت میں حکومت پاکستان کو بھارت اور کلبھوشن یادیو کو ایک بار پھر قانونی نمائندہ مقرر کرنے کی پیشکش کرنے کی ہدایت کرتے ہوئے سماعت ملتوی کردی گئی تھی۔

بعد ازاں ہائی کورٹ کے تحریری حکم نامہ پر رجسٹرار آفس نے عمل درآمد کیا، تحریری حکم نامے میں عدالتی معاونت کیلئے وکلا  مقرر کئے گئے تھے، عابدحسین منٹو،حامدخان،مخدوم علی خان اور اٹارنی جنرل کو عدالتی معاونین مقرر کیا گیا تھا۔

Comments

یہ بھی پڑھیں