کلبھوشن کیس : عالمی عدالت کا خط پاکستان کو موصول ہوگیا -
The news is by your side.

Advertisement

کلبھوشن کیس : عالمی عدالت کا خط پاکستان کو موصول ہوگیا

اسلام آباد : بھارتی جاسوس کلبھوشن یادیو سے متعلق عالمی عدالت کا خط پاکستان کو موصول ہوگیا ہے، خط میں کلبھوشن کے عالمی عدالت میں مقدمے سے متعلق مندرجات موجود ہیں، لیگل ٹیم خط کی جانچ پڑتال کے بعد کوئی فیصلہ کریگی۔ عالمی عدالت میں کیس کی سماعت پیر کو ہوگی۔

تفصیلات کے مطابق بھارت کی جانب سے کلبھوشن یادیو کی پھانسی روکنے سے متعلق عالمی عدالت برائے انصاف میں اپیل دائر کی گئی ہے جس کے بعد عالمی عدالت کی جانب سے خط پاکستان کو موصول ہوگیا ہے، لیگل ٹیم خط کی جانچ پڑتال کررہی ہے جس کے بعد کوئی فیصلہ کیا جائے گا۔

اے آر وائی نیوزکے نمائندے شاہد میتلا نے بتایا ہے کہ دفترخارجہ کے ذرائع کے مطابق بھارتی میڈیا میں کلبھوشن یادیو کی سزائے موت سے متعلق حکم امتناع کی خبریں حقائق کے برعکس ہیں۔

اس کے علاوہ پاکستان کی جانب سے بھی سوالات اٹھائے گئے ہیں کہ کلبھوشن حاضر سروس نیوی کا افسر ہے اور اس کے بیان کی روشنی میں ہی پاکستان میں دہشت گردی کا ایک بڑا نیٹ ورک پکڑا گیا ہے جس میں چار سو سے زائد افراد شامل ہیں۔

دفتر خارجہ کی جانب سے یہ بھی کہا گیا ہے کہ بھارتی میڈیا میں اس طرح کی خبریں بلوچستان میں بھارتی دہشت گردی پر پردہ ڈالنے کیلئے چلائی گئی ہیں۔

عالمی عدالت میں کیس کی سماعت پیر کو ہوگی

عالمی عدالت انصاف میں بھارتی ایجنٹ کلبھوشن کیس کی سماعت پیر کو ہوگی، ذرائع کے مطابق پاکستان کی جانب سےاٹارنی جنرل اشتراوصاف پیش ہوں گے۔

پاکستان کیس میں قانونی پیچیدگیوں کا جائزہ لے رہاہے، عالمی عدالت انصاف کے دائرہ کار، طریقہ کار کا جائزہ لیا جارہا ہے ،پاکستان کی جانب سےمعاملات کےجائزے کے بعد جواب تیارکیا جائیگا۔

Comments

comments

یہ بھی پڑھیں