ثابت ہوگیا کہ کلبھوشن ایک اسٹیٹ ایکٹر ہے، بیرسٹر فروغ نسیم kulbhoshan-yadev
The news is by your side.

Advertisement

عالمی عدالت جیسے اداروں میں مسلمانوں کو انصاف نہیں ملتا، بیرسٹرفروغ نسیم

اسلام آباد : بیرسٹرفروغ نسیم نے کہا ہے کہ یہ بات ثابت ہوچکی ہے کہ عالمی عدالت انصاف جیسےفورمز میں مسلمانوں کو انصاف نہیں ملتا تاہم یہ فائدہ ضرور ہوا کہ دہشت گرد کلبھوشن ایک اسٹیٹ ایکٹر ثابت ہوگیا ہے۔

اے آر وائی نیوز کے پروگرام پاور پلے میں میزبان ارشد شریف سے بات کرتے ہوئے انہوں نے کہا کہ پاکستان کو آئی سی جےمیں جانا ہی نہیں چاہیے تھا اب اگر آئی سی جےکافیصلہ نہ مانا توسلامتی کونسل میں پاکستان مخالف قرارداد آئے گی اس لیے آئی سی جےمیں کیس نہ لڑنا ہی عقل مندی ہوگی۔

انہوں نے کہا کہ ماضی میں بھارت نے بھی عالمی عدالت انصاف کے اختیار کو چیلنج کیا تھا اور کئی معاملات میں بھارت بھی آئی سی جے میں نہیں گیاتھا تاہم اب پاکستان کو آئی سی جےسے نکلنے کیلئے وسیع لابنگ کرنا ہوگی۔

بیرسٹرفروغ نسیم نے کہا کہ آئی سی جے میں بھارت کے خلاف مضبوط کیس پیش کرسکتے تھے لیکن ایسا نہ ہوسکا اگر کلاز آئی کا استعمال کیا جاتا تو یہ دن نہ دیکھنا پڑتا اور بھارتی دہشت گرد کلبھوشن کومثال کے طور پر پیش کرناچاہیے تھا اور اگر کلبھوشن کیس ہو سکتا ہے تو شکیل آفریدی کو بھی رہائی مل سکتی ہے۔

Comments

comments

یہ بھی پڑھیں