کلثوم نواز کی نمازِ جنازہ جمعے کو شام 5 بجے لاہورمیں ادا کی جائے گی -
The news is by your side.

Advertisement

کلثوم نواز کی نمازِ جنازہ جمعے کو شام 5 بجے لاہورمیں ادا کی جائے گی

لاہور: سابق وزیرِ اعظم نواز شریف کی اہلیہ کلثوم نواز کی نمازِ جنازہ بروز جمعہ شام پانچ بجے لاہور میں جاتی امرا میں ادا کی جائے گی۔

پاکستان مسلم لیگ (ن) کی ترجمان مریم اورنگ زیب کے مطابق سابق خاتونِ اوّل کی نمازِ جنازہ شریف میڈیکل سٹی میں ادا ہوگی، رسمِ قل اتوار کو عصر سے مغرب تک جاتی امرا میں ہوگی۔

مسلم لیگ (ن) کے ذرائع کے مطابق بیگم کلثوم نواز کی نمازِ جنازہ جاتی امرا میں ملک کے معروف مذہبی رہنما مولانا طارق جمیل پڑھائیں گے۔

گزشتہ روز ن لیگ کی ترجمان مریم اورنگ زیب نے سماجی رابطوں کی ویب سائٹ ٹویٹر پر بھی تصدیق کی تھی کہ کلثوم نواز کے ایصالِ ثواب کے لیے رسمِ قل مورخہ 16ستمبر بروز اتوار عصر تا نماز مغرب جاتی امرا میں ہوگی۔

ترجمان ن لیگ کے مطابق اڈیالہ جیل میں قید کاٹنے والے سابق وزیرِ اعظم نواز شریف سے آج شام 4 سے 6 بجے تک لوگ تعزیت کر سکیں گے۔


یہ بھی پڑھیں:  بیگم کلثوم نوازانتقال کرگئیں


دوسری طرف مسلم لیگ ن کے صدر شہباز شریف کا طیارہ برطانیہ کے ہیتھرو ایئر پورٹ پر اتر گیا، شہباز شریف بیگم کلثوم نواز کی میت پاکستان لانے کے لیے لندن پہنچے ہیں۔

واضح رہے کہ جاتی امرا میں کلثوم نواز کی تعزیت کے لیے ن لیگ کے قائدین اور کارکنوں کی آمد کا سلسلہ جاری ہے، اہلیہ کے انتقال پر غم سے دوچار سابق وزیرِ اعظم نواز شریف کی طبیعت خراب ہو گئی تھی، جس کے بعد شریف سٹی اسپتال کے ڈاکٹروں نے ان کا معائنہ کیا اور آرام کا مشورہ دیا۔

Comments

comments

یہ بھی پڑھیں