آئی سی سی نے سری لنکا کے لہیرو کمارا اور بنگلا دیش کے لٹن داس پر جرمانہ عائد کر دیا۔
انٹرنیشنل کرکٹ کونسل کی جانب سے جاری اعلامیہ کے مطابق سری لنکا کے فاسٹ بولر لہیرو کمارا اور بنگلا دیشی بلے باز لٹن داس کو اتوار کو شارجہ میں ٹوئنٹی 20 ورلڈ کپ کے سپر 12 میچ کے دوران لڑنے پر جرمانہ عائد کیا گیا ہے۔
کمارا پر میچ فیس کا 25 فیصد جرمانہ عائد کیا گیا جبکہ داس کو 15 فیصد جرمانہ کیا گیا۔ لڑائی کا یہ واقعہ بنگلا دیش کی اننگز کے پانچویں اوور کے دوران پیش آیا۔
سری لنکن فاسٹ باؤلر لٹن داس کو آؤٹ کرنے کے بعد اس کی طرف بڑھے جس پر بلے باز کو جارحانہ رد عمل کو بھڑکایا۔ انہیں امپائرز اور دیگر کھلاڑیوں سے الگ ہونا پڑا۔
آئی سی سی نے بتایا کہ دونوں کھلاڑیوں نے مجوزہ پابندیوں کو قبول کرلیا اور ان کے خلاف مزید کارروائی نہیں کی جائے گی۔ سری لنکا نے یہ میچ پانچ وکٹوں سے جیت لیا تھا۔
