The news is by your side.

Advertisement

کویتی خواتین کے لئے تاریخی دن، بڑا اعلان کردیا گیا

کویت سٹی: کویت میں خواتین نے اپنا لوہا منوالیا، جس کے باعث ان پر ملک کے اہم ترین ادارے میں خدمات سرانجام دینے کی منظوری دے دی گئی ہے۔

کویت حکومت کے مطابق خواتین کو فوج میں طبی اور امدادی کاموں میں خدمات انجام دینے کی منظوری دی گئی ہے۔

کویت کے فوجی ذرائع نے بھی ان خبروں کی تصدیق کرتے ہوئے کہا کہ نائب وزیر اعظم اور وزیر دفاع شیخ حمد زبیر العلی الصباح نے کویتی خواتین کی قومی فوجی سروس میں شمولیت کے لیے رجسٹریشن کا عمل شروع کرنے سے متعلق وزارتی فیصلہ جاری کیا ہے، ابتدائی مرحلے میں خواتین طبی اور فوجی امداد کے شعبے میں اپنی خدمات سرانجام دینگی۔

فوجی ذرائع کا کہنا تھا کہ کویتی خواتین نے کئی شعبوں میں اپنی کامیابیوں کو ثابت کیا ہے، انہوں نے فوج میں سخت حالات میں کام کرنے کے لئے کویتی خواتین کی صلاحیت کے بارے میں اعتماد کا اظہار بھی کیا۔

یہ بھی پڑھیں: دبئی ایکسپو 2020: قانونی چارہ جوئی کیلئے نئے پروگرام کا آغاز

کویت میں خواتین کے حقوق کے حوالے سے یہ بڑی پیش رفت قرار دی جارہی ہے، اس سے قبل سال دو ہزار پانچ خواتین کو ووٹ ڈالنے اور انتخابی عمل میں حصہ لینے کا بل منظور کیا گیا تھا،چار سال بعد چار خواتین امیدواروں نے پچاس میں سے چار پارلیمانی نشستوں پر کامیابی حاصل کی تھی۔

بعد ازاں سال دوہزارآٹھ میں سعد عبداللہ اکیڈمی فارسیکورٹی سائنسز نے کویتی پولیس فورس میں خواتین کی شمولیت کے دروازے کھول دیئے تھے، اسی سال مئی میں سات نئی خواتین ججوں کو شامل کیا گیا تھا جس کے بعد کویت میں خواتین ججوں کی تعداد 15 ہوگئی تھی۔

Comments

یہ بھی پڑھیں