The news is by your side.

Advertisement

کورونا وائرس : کویتی دفاتر میں حاضری کیلئے نیا نظام متعارف

کویت سٹی  : یوں تو دفاتر میں حاضری لگانے کے مختلف طریقے رائج ہیں جس میں رجسٹر میں انٹری کرنا، اپنے ہاتھ یا کسی ایک انگلی کو اسکین کرنا یا آفس کارڈ شو کرنا ہے جس کے بعد ملازم کی دفتر آمد اور روانگی کے وقت کا تعین کیا جاتا ہے۔

کورونا وائرس کی عالمی وبا کے بعد کچھ دفاتر میں حفظان صحت کے اصولوں کے تحت ملازمین کی حاضری کے طریقہ کار کو بھی تبدیل کیا گیا تھا۔

اس حوالے سے کویت کی حکومت نے فیصلہ کیا ہے کہ اب فنگر پرنٹس کے بجائے دفتر آنے والے ملازمین کا چہرہ اسکین کرنے کا نظام متعارف کرایا جائے گا۔

کورونا وائرس کے بحران کے آغاز سے لے کر اگلے نوٹس تک کویت کے سرکاری و نجی اداروں میں فنگر پرنٹس کے ذریعے
حاضری ختم کرنے کا حکم دیا گیا تھا جو تاحال جاری ہے، تاہم اب اس کا متبادل نظام لانے کیلئے اقدامات کیے جارہے ہیں۔

اس حوالے سے کویتی حکام نے فیصلہ کیا ہے کہ تمام دفاتر میں ملازمین کی حاضری کے ریکارڈ کیلئے اب فنگر پرنٹس کے بجائے ان چہرے کو اسکین کرنے کا نظام رائج کیا جائے گا، اس سے قبل بائیو میٹرک سسٹم کو معطل کردیا گیا تھا۔

کویتی ذرائع ابلاغ کے مطابق یہ نیا نظام سول اور فوجی اداروں میں یکساں لاگو ہوگا، ذرائع کا مزید کہنا ہے کہ ملازمین کے آنے اور جانے کے اوقات کار کو کنٹرول کرنے کے ساتھ ساتھ پیداواری صلاحیت اور افرادی قوت کو برقرار رکھنے کیلئے مؤثر اقدامات کرنے کی ضرورت ہے۔

Comments

یہ بھی پڑھیں