The news is by your side.

Advertisement

کورونا وائرس : کویت میں شہریوں کیلئے بڑی سہولت کی فراہمی

کویت : مقامی فیول کمپنی نے کورونا ویکسین لینے والے افراد کے لئے 50 فیصد رعایت کا اعلان کیا ہے، جس کا مقصد معاشرے کو وبا سے پاک اور عوام کی صحت کو محفوظ رکھنا ہے۔

تفصیلات کے مطابق الصور فیول مارکیٹنگ کمپنی نے کویت میں قائم تمام “الفا” اسٹیشنوں پر کورونا وائرس ویکسی نیشن حاصل کرنے والے افراد کو ایک خصوصی پیش کش کی ہے۔

کمپنی کا کہنا ہے کہ ہماری جانب سے یہ پیشکش صارفین کے ساتھ اپنے تعلقات کو مستحکم کرنے اور معاشرے کو اس عالمی وبا اور عوامی صحت کو محفوظ رکھنے کے لئے بطور اعانت کی گئی ہے۔

ذرائع کے مطابق الصور فیول مارکیٹنگ کمپنی “الفا “ری فیولنگ اسٹیشنوں پر آٹو میٹک کار واش سروس سے متعلقہ تمام سروسز  پر50فیصد کی رعایت دے گی۔

کمپنی کا کہنا ہے کہ کار واشنگ اور دیگر خدمات پر رعایت صرف اس صارف کو ہی ملے گی جس نے کورونا ویکسی نیشن موصول کی ہے اور جس کے پاس ثبوت کے لئے وزارت صحت کا سرٹیفکیٹ موجود ہے۔

الصور فیول کمپنی نے واضح کیا کہ کمپنی معاشرے کے تمام طبقات کے لئے معاشرتی خدمات میں شراکت کے طور  پر رعایت مہیا کرے گی اور خود کار کار واش سروس کے لئے کمپنی کی رعایت 11 مارچ سے اگلے 11 اپریل تک ایک ماہ کے لئے جاری  رہے گی۔

Comments

یہ بھی پڑھیں