The news is by your side.

Advertisement

کویت : ویکسی نیشن نہ کرانے والوں کیلئے بڑی سہولت کا اعلان

کویت سٹی : کویت کے بیشتر علاقوں میں آج سے “کوویڈ 19” کی ویکسین کے لیے ایک جامع فیلڈ مہم کا آغاز کیا جا رہا ہے۔

تفصیلات کے مطابق وزارت صحت کویت نے ملک کے بیشتر علاقوں کے لیے ایک جامع فیلڈ ویکسی نیشن مہم شروع کرنے کا اعلان کیا ہے۔ یہ مہم ان تمام گروپوں کو اپنی خدمات فراہم کرے گی جو کسی بھی وجہ سے ویکسی نیشن یا رجسٹریشن حاصل نہیں کرسکے۔

اس کا مقصد ویکسی نیشن مہم میں شامل تمام گروپوں اور معاشرے کے تمام طبقات کا احاطہ کرتے ہوئے کوویڈ 19 ویکسی نیشن فراہم کرنا ہے جو کہ ایک عملی طریقہ کار کے حصے کے طور پر آج 11 اکتوبر بروز پیر سے شروع ہو رہی ہے۔

وزارت نے وضاحت کی کہ یہ مہم کل بنید القار خطے میں اپنا کام شروع کرے گی۔ اس سلسلے میں تیار کردہ ایک منصوبے کے مطابق یہ مہم ملک کے کئی علاقوں کا احاطہ کرے گی اور تمام عمر کے گروپوں کے لیے ویکسی نیشن کے ذریعے سروس فراہم کی جائے گی۔

وزارت نے اشارہ کیا کہ یہ مہم ایک عملی طریقہ کار کے دائرے میں آتی ہے تاکہ ویکسی نیشن کی رفتار کو ان افراد میں بڑھایا جا سکے جو ویکسی نیشن حاصل کرنے سے قاصر رہے یا کسی بھی وجہ سے رجسٹر نہیں ہو سکے تھے۔

یہ بات قابل ذکر ہے کہ وزارت صحت نے اس سے قبل مختلف فیلڈ ویکسی نیشن مہمات شروع کی تھیں تاکہ عوام کے ساتھ زیادہ رابطے میں رہنے والے کارکنان (جمعیہ و کمرشل کمپلیکسز ، سیلونز میں کام کرنے والے، فارم ورکرز، بینک، کھانے کی فیکٹریاں، مساجد اور دیگر سرگرمیاں وغیرہ) کو ویکسی نیشن سروس مہیا کی جاسکے۔

Comments

یہ بھی پڑھیں