کویت سٹی : کویت میں کورونا سے صحت یاب ہونے والے مریضوں کی تعداد میں نمایاں اضافہ دیکھا جارہا ہے، وبا کے شکار افراد کے علاج کی شرح کے لحاظ سے خلیجی ممالک میں کویت تیسری پوزیشن پر ہے۔
تفصیلات کے مطابق عرب تعاون کونسل ریاستوں کی صحت کونسل نے جی سی سی ممالک میں کوویڈ19کے مریضوں کے علاج کی اعلیٰ شرح کی تصدیق کی ہے جس میں کویت تیسری پوزیشن پر ہے جبکہ متحدہ عرب امارات معمولی سے فرق کے ساتھ پہلے نمبر پر اور سعودی عرب دوسرے نمبر پر ہے۔
کونسل کے جاری کردہ اعدادوشمار میں متحدہ عرب امارات 96.4 کی شرح کے ساتھ پہلے، سعودی عرب 95.9 کی شرح کے ساتھ دوسرے جبکہ کویت 93.5 فیصد کی شرح کے ساتھ تیسرے نمبر پر ہے۔
اس کے بعد بحرین چوتھے نمبر پر93.4 فیصد کی شرح کے ساتھ، قطر 89.3 فیصد شرح کے ساتھ پانچویں نمبر اور آخر میں سلطنت عمان89.1 فیصد شرح کے ساتھ آخری نمبر پر ہے۔
کویتی وزارت صحت کے مطابق گزشتہ چوبیس گھنٹوں کے دوران کورونا کے مزید نئے ٹیسٹ کیے گئے ہیں جبکہ وزارت صحت کا کہنا ہے کہ کورونا سے بچاؤ کے لیے تمام ایس او پیز کا خیال رکھا جائے اور ضرورت کے تحت ہی گھر سے باہر نکلا جائے۔
