کویت سٹی: کویت میں عید الفطر کی پیشن گوئی کردی گئی، ماہر فلکیات کے مطابق جمعرات 13 مئی کو عید الفطر ہوسکتی ہے۔
کویتی میڈیا کے مطابق کویت کے ماہر فلکیات عادل السعدون نے کہا کہ جمعرات 13 مئی کو عید الفطر ہوسکتی ہے۔
ماہر فلکیات عادل السعدون کا کہنا ہے کہ 30 رمضان المبارک 12 مئی کی مناسبت سے ہلال دیکھنے کے لیے شرائط مندرجہ ذیل ہوں گی۔
سورج شام 6:32 بجے غروب ہوگا جبکہ چاند شام 7 بج کر 12 منٹ پر نظر آئے گا۔
سورج غروب ہونے کے بعد افق سے زیادہ چاند کے قیام کا دورانیہ 39 منٹ ہوگا۔ غروب آفتاب کے وقت افق کے اوپر چاند کی اونچائی ساڑھے 7 ڈگری ہوگی جبکہ چاند اور زمین کے درمیان زاویہ 9 ڈگری اور 18 منٹ کا ہوگا اور یہی شرائط ہلال دیکھنے کے لیے موزوں ہیں۔
انہوں نے مزید بتایا کہ چاند کو عام آنکھ سے نہیں دیکھا جاسکے گا۔ البتہ سعودی عرب اور باقی مغربی عرب ممالک میں ہلال کو عام آنکھ سے دیکھا جاسکے گا۔
