The news is by your side.

Advertisement

کویت: جزوی کرفیو کی مدت میں توسیع

کویت سٹی: وزرا کونسل نے کویت میں جزوی کرفیو کی مدت میں توسیع کر دی ہے۔

تفصیلات کے مطابق گزشتہ ہفتے کویت وزرا کونسل کے متعدد نئے فیصلے منظر عام آئے، جن میں سب سے اہم فیصلہ جزوی پابندی کو جاری رکھنے کا فیصلہ تھا۔

کرونا وائرس کی بگڑتی صورت حال کے پیش نظر جمعرات 8 اپریل کو اختتام پذیر ہونے والے جزوی کوفیو کی مدت بڑھا کر 22 اپریل تک کر دی گئی ہے، تاہم کرفیو میں 2 گھنٹے کمی بھی کی گئی ہے۔

اب کرفیو 8 اپریل کے بعد شام 7 بجے سے صبح 5 بجے تک نافذ رہے گا، 22 اپریل کو صبح 5 بجے نئے فیصلے کی مدت پوری ہوجائے گی، تاہم اس کے بعد کرونا کی صورت حال دیکھ کر نئے فیصلے کیے جائیں گے۔

رمضان میں خصوصی اجازت

شام 7 سے صبح 3 بجے تک ریستوران، کیفے اور فوڈ مراکز کو کھانوں کی ہوم ڈیلیوری کی اجازت ہوگی۔

کویت: فیس ماسک نہ پہننے والوں کے خلاف سخت مہم

شہریوں کو شام 7 سے رات 10 بجے تک صحت برقرار رکھنے کے لیے رہائشی علاقوں میں چہل قدمی کی اجازت ہوگی، لیکن گاڑیوں یا سائیکلوں کے بغیر۔

شام 7 بجے سے رات 12 بجے تک ایڈوانس بکنگ سسٹم کے ذریعے خریداری کی اجازت ہوگی۔

Comments

یہ بھی پڑھیں