کویت سٹی: کویت نے سول آئی ڈی کارڈ نہ حاصل کرنے پر غیر ملکی تارکین وطن پر جرمانہ عائد کرنے کا فیصلہ کیا ہے۔
بین الاقوامی میڈیا کے مطابق وہ تارکین وطن جو کویت میں رہائشی اجازت نامہ ملنے کے بعد مخصوص وقت کے اندر اپنا سول شناختی کارڈ حاصل کرنے میں ناکام رہے ، ان پر پبلک اتھارٹی برائے سول انفارمیشن (پی اے سی آئی) کی جانب سے بیس کویتی دینار جرمانہ عائد کیا گیا ہے، ان میں کویت میں سرکاری اداروں میں دوبارہ کام شروع کرنے والے نومولود بچوں کے کفیل بھی شامل ہیں۔
ذرائع کا کہنا ہے کہ پی اے آئی سی نے یہ فیصلہ اس نوٹس کے بعد کیا جب نومولود بچوں کے کئی کفیلوں نے اپنی سول شناخت حاصل نہیں کی، حالانکہ انہیں پہلے ہی رہائشی اجازت نامے اور پاسپورٹ فراہم کئے جاچکے ہیں۔
یہ بھی پڑھیں: کویت، ساحل جانے والوں پر نئی پابندیاں عائد، 500 دینار تک جرمانہ ہوگا
ذرائع کا کہنا ہے کہ جن لوگوں کے ہاں کرونا وبا کے درمیان بچوں کی پیدائش ہوئی، انہیں لاک ڈاؤن کے پورے عرصے میں جرمانے سے استثنیٰ قرار دیا گیا تھا مگر سرکاری اداروں میں کام شروع کرنے کے لئے ان پر یہی طریقہ لاگو ہوگا۔
