برطانیہ، فرانس اور جرمنی میں اومی کرون کیسز میں تیزی سے اضافے کے باعث کویت نے اپنے شہریوں کو فوری طور پر تینوں ممالک چھوڑنے کا حکم دیا ہے
ایک غیر ملکی ویب سائٹ عاجل کے مطابق مذکورہ تینوں یورپی ممالک میں کویت کے سفارتخانوں نے اپنے الگ الگ بیانات جاری کیے ہیں جس میں کویتی شہریوں سے کہا گیا ہے کہ کورونا وائرس کی نئی شکل اومی کرون برطانیہ، فرانس اور جرمنی میں تیزی سے پھیل رہا ہے اور متاثرین کی تعداد بڑھتی جارہی ہے، اس صورتحال میں احتیاط کا تقاضا ہے کہ کویتی شہری پہلی فرصت میں ان ممالک سے نکل جائیں
کویتی سفارتخانوں نے شہریوں کو تاکید کی ہے کہ وہ احتیاطاْ ان دنوں برطانیہ، فرانس اور جرمنی کا سفر نہ کریں
کویتی سفارتخانوں نے یہ بھی کہا ہے کہ اگر اس حوالے سے ان کے ذہن میں کوئی سوال ہے تو پہلی فرصت میں قونصل یا سفارتخانے رابطہ کریں، اس حوالے سے چوبیس گھنٹوں میں کسی بھی وقت رابطہ کیا جاسکتا ہے
