کویت سٹی: خلیجی ملک کویت نے کرونا کے باعث تعلیمی ضیاع کی تلافی کے لئے اہم منصوبہ تیار کرلیا ہے۔
میڈیا رپورٹ کے مطابق کویت کی وزارت تعلیم وزارت صحت کی ہم آہنگی سے رات کے وقت اسکولوں کو کھولنے کا منصوبہ بنا رہی ہے۔
کویتی وزارت تعلیم کے انڈر سیکریٹری ڈاکٹر علی الیعقوب نے کہا کہ وزارت تعلیم وزارت نومبر میں نائٹ اسکول کھول کر تعلیمی ضیاع کی تلافی کا منصوبہ رکھتی ہے۔
حولی تعلیمی علاقے کے زیر اہتمام تعلیمی ضیاع پر بحث کرنے والے ایک فورم کے سائیڈ لائن پر الیعقوب نے اعلان کیا کہ تعلیمی ضیاع کی تلافی کو پورا کرنے کا منصوبہ طبی حکام پر منحصر ہے۔
انہوں نے واضح کیا کہ طلباء کے تقریباً ڈیڑھ سال سے اسکولوں سے غیر حاضر رہنے کی وجہ سے تعلیمی سطح میں خلا پیدا ہوا ہے اس لیے منصوبے ہر طالب علم کے معاملے پر غور کریں گے تاکہ ان کی تلافی کی جاسکے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں