The news is by your side.

Advertisement

کویت: لاہور سے طائفہ بلانے میں پی آئی اے نظر انداز

کراچی: کویت میں پاکستانی سفارتخانے  نے پی آئی اے پر عدم اعتماد کا اظہار کرتے ہوئے 23 مارچ کو لاہور سے بلائے گئے طائفے کے ٹکٹ پی آئی اے کے بجائے نجی ائر لائن سے بک کرالیے۔

اطلاعات کے مطابق نجی ایئر لائن کو ٹکٹوں کی فراہمی کے لیے پاکستانی سفیر کی جانب سے لکھے گئے خط کی کاپی اے آر وائی نیوز نے حاصل کرلی۔

یہ خط کویت میں مقرر  پاکستانی سفیر نے ائر لائن کے کنٹری منیجر کو تحریر کیا ہے جس میں کہا گیا ہے کہ کلچرل پروگرام کے لیے طائفے کے 11 ارکان کو اعزازی ٹکٹ جاری کیے جائیں گے۔

خط کے مطابق طائفے کے ارکان 23 مارچ کی مناسبت سے منعقدہ پرو گرام میں پر فارم کریں گے ٹکٹ لاہور سے کویت اور واپسی کے لیے جاری کیے جائیں گے۔

ذرائع کا کہنا ہے کہ ٹکٹوں کے لیے مذکورہ خط قومی ائر لائن پر مبینہ طور سے عدم اعتماد ہے، قومی تہواروں پر سرکاری پروگرامزکے لیے ٹکٹ  قومی ائر لائن سے بک کرائے جاتے ہیں۔

قومی ائرلائن سے ٹکٹ نہ لینے کے بعد ائرلائن عملے کو پروگرام میں مدعو بھی نہیں کیا گیا۔

دوسری جانب پی آئی اے کے ترجمان نے کہا ہے کہ کسی بھی ائرلائن سے ٹکٹ حاصل کرنا پاکستانی سفارتخانے کا صوابدیدی اختیار ہے۔

Print Friendly, PDF & Email

Comments

comments

یہ بھی پڑھیں