The news is by your side.

Advertisement

اہم خلیجی ملک کا کرونا ویکسین خریدنے سے انکار

کویت سٹی: کویت نے کرونا ویکسین خریدنے سے متعلق معاہدے پر دستخط کرنے سے انکار کردیا ہے۔

بین الاقوامی میڈیا رپورٹ کے مطابق وزارت صحت کویت نے ویکسین تیار کرنے والی کمپنیوں سے ویکسین کی خریداری کا معاہدہ کرنے سے انکار کیا ہے۔

وزارت صحت کا کہنا ہے کہ حال ہی میں کئی کمپنیوں خاص کر چینی کمپنیوں کی بنائی گئی ویکسین کے غیر موثر ہونے اور منفی اثرات کے واقعات منظر عام پر آئے۔وزارت نے ان واقعات پر تحفظات کا اظہار کرتے ہوئے موقف اپنایا کہ کویت کے عوام کی زندگیوں کی حفاظت کو فوقیت دیتے ہوئے معاہدوں پر دستخط سے انکار کیا۔

واضح رہے کہ سعودی عرب میں محکمہ صحت کے نائب معاون وزیر عبداللہ العسیری نے بیان دیا تھا کہ مملکت کرونا ویکسین حاصل کرنے والے اولین ممالک میں شامل ہوگا۔

یہ بھی پڑھیں:  سعودی عرب: کروناویکسین کے حوالے سے بڑی خوشخبری

عبداللہ العسیری نے بتایا کہ معاہدوں کے تحت سعودی عرب کو اولین بنیادوں پر ویکسینز فراہم کی جائیں گی، جن کمپنیوں سے معاہدے طے ہوئے ہیں ان کی ویکسینز کے تجربات آخری مراحل میں ہیں۔

Comments

یہ بھی پڑھیں