The news is by your side.

Advertisement

کویت : کرایوں میں اضافے کا فیصلہ کرلیا گیا

کویت سٹی : کورونا وائرس کی موجودہ صورتحال کے بعد کویتی حکومت نے شادی ہالوں اور دیگر تقاریب کیلئے مراکز کے کرائے میں اضافہ کردیا ہے جس کی باقاعدہ منظوری دے دی گئی ہے۔

اس حوالے سے کویت کی وزیر برائے سماجی امور مریم العقیل نے شادی ہالوں اور ترقیاتی مراکز کے کرایوں میں اضافے کیلئے وزارت سماجی امور مین سماجی ترقی کے شعبے کی تجویز کی منظوری دے دی۔

اس تجویز کی منظوری کے بعد اسے وزارت خزانہ کو ارسال کردیا گیا ہے، اس حوالے سے کویتی ذرائع ابلاغ کا کہنا ہے کہ شادیوں کیلئے سو کویتی دینار کے بجائے300دینار ہوں گے۔

اس کے علاوہ تھیٹر میں پرفارمنس کیلئے 500کویتی دینار اور گریجویشن کی تقاریب کیلئے ایک ہزار دینار کا کرایہ تجویز کیا گیا ہے۔ اس تجویز میں ہالوں کے انشورنس کیلئے سو سے تین سو کویتی دینا کا اضافہ شامل ہے۔

ذرائع کے مطابق تجویز میں یہ شرط عائد کی گئی ہے کہ ہال کے تمام تحفطات اس وقت وزارت میں لاگو ہونے والے اوشین ہاؤس درخواست کے ذریعے کیے جاسکتے ہیں۔

Comments

یہ بھی پڑھیں