The news is by your side.

Advertisement

کویتی حکومت کا کمرشل پروازوں کی بحالی سے متعلق اہم فیصلہ

کویت سٹی : کورونا وائرس کے پھیلاؤ کے سدباب کے پیش نظر کویتی حکام نے ایئر پورٹ پر کمرشل پروازوں کی بحالی کا دوسرا مرحلہ غیر معینہ مدت کیلئے ملتوی کردیا ہے۔

تفصیلات کے مطابق کویت کے بین الاقوامی ہوائی اڈے پر پہلے مرحلے میں فضائی آپریشن صرف 18فیصد رہا، وزراء کونسل نے کمرشل پروازوں کی واپسی کے منصوبے کی بحالی کے دوسرے مرحلے کو اگلے نوٹس تک کیلئے ملتوی کردیا ہے۔

ذرائع کے مطابق بہت سے ممالک میں کورونا وائرس کی دوسری لہر کے پھیلاؤ کے سبب کویت میں آنے والوں کی سخت چیکنگ، جانچ پڑتال اور ان کی تعداد کو کم کرنا وزرت صحت کے اہم اقدامات میں شامل تھا۔

ذرائع کا مزید کہنا ہے کہ کمرشل پروازوں کی بحالی کے دوسرے مرحلے کا آغاز یکم فروری سے ہونا تھا تاہم اس آپریشن میں 60فیصد سے زیادہ ہوائی ٹریفک کا اضافہ کرنا شامل تھا تاکہ یومیہ 20ہزار مسافر سفر کرسکیں۔

کورونا وائرس کی نئی لہر اور اور کمرشل آپریشن کی شرح میں پہلے مرحلے کی مقررہ حد تک پہنچنے میں ناکامی کے بعد یہ فیصلہ اگلے نوٹس تک موقوف کردیا گیا۔

مزید پڑھیں : کویت ایئرویز کا سعودی عرب کے لیے پروازیں بحال کرنے کا اعلان

واضح رہے کہ کویت نے کورونا وبا کے بحران پر 31 ملکوں کے لیے کمرشل پروازیں معطل کردی تھیں، کویت ایئرویز نے وبا کے دوران اعلان کیا تھا کہ تا ہدایت ثانی بین الاقوامی پروازیں معطل رہیں گی۔

 

Comments

یہ بھی پڑھیں