کویت سٹی: خلیجی ملک کویت نے اعلیٰ سطح کی سیاحتی خدمات فراہم کرنے کی غرض اہم فیصلہ کیا ہے۔
میڈیا رپورٹ کے مطابق وزارت تجارت نے کویت میں دنیا کے کئی ممالک کی طرح سیاحوں کو پیش کی جانے والی اعلیٰ سطحی سیاحتی خدمات کی طرح کویت میں بھی فلوٹنگ ریسٹورنٹ قائم کرنے کی پیشکش کی ہے۔
فلوٹنگ ریسٹورنٹ دراصل سمندر میں تیرتے ہوئے ریسٹورنٹ ہوں گے جو سیاحوں کے لئے دوران طعام لطف اندوز ہونے کا موقع فراہم کریں گے۔
فلوٹنگ ریستوران اور متعلقہ خدمات دس مزید تجارتی سرگرمیوں کی فہرست میں شامل ہیں جو وزیر نے منظور کی ہیں، سرگرمیوں کی نگرانی کوسٹ گارڈ اور وزارت خزانہ کرے گی۔
واضح رہے کہ دو رواں سال کی قرارداد نمبر 164 میں شامل دیگر سرگرمیوں میں سوئمنگ پول ، خوردہ فروشی کی اشیاء ، پولٹری مصنوعات ، آرائشی پرندے ، ہوٹلوں کا انتظام اور آپریٹنگ ، فن تعمیر اور گیس اسٹیشنوں کا انتظام بھی شامل ہیں۔
