کویت میں شہریت سے متعلق ملکی تاریخ کا سب سے بڑا فراڈ بے نقاب ہو گیا۔
کویت نے 1,060 سے زائد افراد کی شہریت منسوخ کر دی ہے جسے ملکی تاریخ کا سب سے بڑا نیشنلٹی فراڈ آپریشن قرار دیا جا رہا ہے۔
اداروں کی جانب سے گہری تحقیقات کے بعد ایک جامع آپریشن کر کے ایک ہزار سے زائد افراد کی شہریت منسوخ کی گئی۔
حکام نے کئی دہائیوں سے جاری جعلی شناختوں اور جعلی ریکارڈوں کے نیٹ ورک کا پردہ فاش کیا گیا۔
یہ تحقیقات کویتی قومیت کی تحقیقات کے لیے سپریم کمیٹی نے وزارت داخلہ کے نیشنلٹی انویسٹی گیشن ڈیپارٹمنٹ کے تعاون سے کی تھی۔
مقامی اخبار الرائے نے رپورٹ کیا کہ مہم نے دہائیوں پرانے فراڈ نیٹ ورکس کا پردہ فاش کیا جس میں جعلی شناخت، جھوٹے خاندانی دعوے اور دوہری شہریت شامل تھی۔
کویت کی وزارت داخلہ نے مئی اور جون 2025 کے دوران تقریباً 6300 تارکین وطن کو ملک بدر کیا ہے، ملک بدری رہائش اور لیبر کے ضوابط کو نافذ کرنے کے لیے جاری مہم کا حصہ بتائی گئی ہے۔
ملک بدر کیے گئے بہت سے افراد کو مختلف داخلی شعبوں نے محکمہ کے حوالے کیا تھا اور بعض صورتوں میں وہ عدالتی فیصلوں کے تابع تھے۔
رپورٹ کے مطابق محکمہ جلاوطنی کے طریقہ کار کو تیز کرنے کے لیے پرعزم ہے اور اس بات کو یقینی بناتا ہے کہ قیدیوں کو ان کی عارضی حراست کے دوران انسانی دیکھ بھال اور ضروری خدمات حاصل ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں