لعل شہباز قلندرؒ کا عرس : خصوصی ٹرین چلانے اور سخت سیکیورٹی کا فیصلہ -
The news is by your side.

Advertisement

لعل شہباز قلندرؒ کا عرس : خصوصی ٹرین چلانے اور سخت سیکیورٹی کا فیصلہ

کراچی: محکمہ ریلوے نے درگاہ قلندرؒ پر عرس کی تقریبات کے حوالے سے خصوصی ٹرینیں چلانے اور اس دوران سیکیورٹی سخت رکھنے کا فیصلہ کیا گیا ہے، ٹرینوں میں گیس سلنڈر اور دیگر آتش گیر مادہ لے جانے پر پابندی عائد کردی۔

تفصیلات کے مطابق پاکستان ریلویز نے حضرت لعل شہباز قلندرؒ کے سالانہ عرس کے موقع پر کسی بھی حادثے یا ناخوشگوار واقعے سے بچنے کے لیے ٹرینوں میں گیس سیلنڈروں سمیت دھماکا خیز مواد، آتش گیر مادہ یا چولہا لے کر جانے پر پابندی عائد کردی۔

پاکستان ریلویز نے ہر سال کی طرح اضافی رش کے پیشِ نظر 11 سے 20 مئی تک ملک کے تمام بڑے اسٹیشنز لاہور، فیصل آباد، ملتان، سکھر، حیدرآباد، کوٹری اور کراچی سے سیہون شریف تک اسپیشل ٹرینیں اور اضافی کوچز چلانے کا فیصلہ کیا ہے۔

ڈی آئی جی شارق جمال کی طرف سے جاری کردہ ہدایت نامے میں تمام سپرنٹنڈنٹ ریلوے پولیس کو کہا گیا ہے کہ وہ اس دوران ٹرینوں اور مسافروں کی حفاظت کو یقینی بنائیں۔

میٹل ڈیٹکٹر کے ساتھ لاہور، ملتان، روہڑی، سکھر، جیکب آباد، نواب شاہ، حیدرآباد، کوٹری، لاڑکانہ، دادو اور سیہون شریف میں تمام ٹرینوں کو باقاعدگی سے چیک کیا جائے۔

بم ڈسپوزل آفیسر اور متعلقہ ڈویژنوں کے پولیس آفیسر مل کر اہم اسٹیشنوں اور ٹرینوں کو چیک کریں گے جبکہ ٹریک کی نگرانی بڑھانے کی بھی سختی سے ہدایت کی گئی ہے۔

ڈویژنل میڈیکل آفیسر کراچی سیہون میں فرسٹ ایڈ کیمپ قائم کریں گے اور ڈویژنل سپرنٹنڈنٹ کراچی پولیس کی مدد سے سیہون میں کسی بھی ناگہانی صورت حال سے نمٹنے کے لیے سپیشل ٹرینوں کی واپسی تک ایمرجنسی کیمپ بھی لگائیں گے۔

دوعدد ایمبولینس اور ایک فائر بریگیڈ کی گاڑی بھی سیہون شریف ریلوے اسٹیشن پرموجود رہے گی اور فرسٹ ایڈ کی ڈسپنسری بھی سیہون شریف ریلوے اسٹیشن پر قائم کردی جائے گی۔ عوام کو تمام انتظامات سے آگاہ کرنے کے لیے ڈی ٹی ای کراچی ریلوے اسٹیشن پر اعلانات بھی کریں گے۔

Comments

comments

یہ بھی پڑھیں