تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

بھارت: گھر جانے کے لیے 18 مزدوروں کا مکسر ٹرک میں سفر

نئی دہلی: بھارتی شہر اندور میں ہائی وے پر پولیس کی جانب سے روکے جانے والے مکسر ٹرک سے 18 مزدور نکل آئے، تمام مزدور ذرائع سفر بند ہونے کی وجہ سے مکسر مشین میں سوار ہو کر اپنے گھروں کو جانا چاہتے تھے۔

کرونا وائرس کے لاک ڈاؤن کی وجہ سے غریب طبقے کی مشکلات نہایت بڑھ گئی ہیں جن میں سرفہرست مزدور ہیں۔ بھارت کی کئی ریاستوں میں کام نہ ہونے کی وجہ سے ہزاروں مزدور نہ صرف بے روزگار ہوگئے ہیں بلکہ وہ اپنے گھروں سے دور دیار غیر میں پھنس گئے ہیں۔

لاک ڈاؤن کی وجہ سے یہ مزدور اپنے گھر بھی نہیں جا پا رہے تاہم ایک مکسر ٹرک میں سفر کرنے کی پیشکش کے بعد کچھ مزدور اس ٹرک میں ہی سوار ہو کر اپنے گھر کی طرف چل پڑے۔

یہ پریشان کن صورتحال بھارتی شہر اندور میں پیش آئی جہاں ٹریفک پولیس نے ہائی وے پر کنکریٹ کے مکسر ٹرک کو روکا، تلاشی پر اندر سے 18 مزدور نکلے جو اپنے گھر جانے کے لیے دم گھوٹ دینے والے اس مکسر میں محو سفر تھے۔

یہ مزدور کافی روز سے ممبئی میں پھنسے ہوئے تھے، اندور شہر میں جب پولیس نے مکسر کو روکا اور اس میں سے 18 مزدور برآمد ہوئے تو ہلچل مچ گئی۔ پولیس نے فوری طور پر تمام مزدوروں کو کھانے پینے اور دیگر اشیا کے ساتھ قرنطینہ منتقل کردیا۔

18 مزدوروں میں سے 4 گاڑی کے ساتھ کام کرنے والے تھے، پولیس نے ڈرائیور کے خلاف مقدمہ بھی درج کرلیا ہے۔

Comments

- Advertisement -