The news is by your side.

Advertisement

امریکی نژاد خاتون ڈاکٹر سے مبینہ زیادتی : ملزم ریمانڈ پرجیل روانہ

کراچی : امریکی نژاد پاکستانی خاتون ڈاکٹر سے مبینہ زیادتی کے ملزم کو عدالتی ریمانڈ پرجیل بھیج دیا گیا، عدالت نے پولیس سے ڈی این اے رپورٹ طلب کرلی۔

کراچی کی جوڈیشل مجسٹریٹ جنوبی کی عدالت میں فرئیر کے علاقے میں امریکی نژاد پاکستانی خاتون ڈاکٹر سے مبینہ زیادتی کا کیس کی سماعت ہوئی۔

پولیس کی جانب سے ریمانڈ مکمل ہونے پر گرفتار ملزم یاسر کوعدالت میں پیش کردیا گیا، عدالت نے ملزم کوعدالتی ریمانڈ پرجیل بھیج دیا۔

اس موقع پرعدالت نے آئندہ سماعت پر پولیس سے ڈی این اے رپورٹ طلب کرلی، پولیس کے مطابق مبینہ زیادتی کا واقعہ ملزم یاسر کے گھر پر پیش آیا۔

پولیس حکام کا کہنا ہے کہ مدعی مقدمہ کی جانب سےدرخواست دیتے ہی ملزم کو گرفتار کرلیا گیا، میڈیکل رپورٹ سامنے آنے کے بعد مزید صورتحال واضح ہوجائے گی۔

متاثرہ لیڈی ڈاکٹر کے بیان کے مطابق ملزم نے مجھے گھر پر لے جاکر زیادتی کا نشانہ بنایا۔ ملزم نے مجھے جان سے مارنے کی دھمکیاں بھی دیں۔

Comments

یہ بھی پڑھیں