لاہورمیں‌ گدھے ذبح، نامعلوم افراد کھالیں لے کر فرار -
The news is by your side.

Advertisement

لاہورمیں‌ گدھے ذبح، نامعلوم افراد کھالیں لے کر فرار

چوہنگ: لاہور کے علاقے چوہنگ میں نامعلوم افراد نے 10 گدھے چوری کیے اور انہیں ذبح کرکے کھالیں اپنے ہمراہ لے کر فرار ہوگئے۔

تفصیلات کے مطابق لاہور کے علاقے چوہنگ میں نامعلوم افراد محمد فیاض نامی شخص کے گھر میں داخل ہوکر 10 گدھے چوری کر کے اپنے ہمراہ لے گئے، متاثرہ شخص نے تھانے میں مقدمہ درج کروادیا۔

پولیس کے مطابق گدھے چوری کی واردات کے بعد پولیس نے تفتیش شروع کی تو اُس میں یہ بات سامنے آئی کہ نامعلوم افراد گدھوں کو ذبح کر کے اُن کی کھالیں اپنے ہمراہ لے گئے۔پولیس نے گدھے ذبح ہونے کے بعد علاقے کے قصابوں کی دکانوں پر چھاپے مارنے شروع کردیے ہیں۔

پڑھیں: ’’ گدھے کا گوشت بیچنے والے رنگے ہاتھوں پکڑے گئے ‘‘

یاد رہے گزشتہ سال خبریں سامنے آئی تھیں کہ لاہور میں گدھوں کا گوشت فروخت کے لیے پیش کیا جارہا ہے، جس پر حکومت نے ایکشن لیتے ہوئے اس مکروہ دھندے میں ملوث افراد کے خلاف کریک ڈاؤن بھی کیا تھا۔

مزید پڑھیں: ’’ دس ہزار گدھے چین بھیجنے کی منظوری ‘‘

گرفتار ملزمان نے دورانِ تفتیش انکشاف کیا کہ وہ گدھے کی کھالیں چین اور دیگر ممالک بھیجتے ہیں جہاں اُن کا استعمال کرتے ہوئے میک اپ سمیت دیگر خصوصی سامان تیار کیا جاتا ہے۔

Comments

comments

یہ بھی پڑھیں