لاہور: صوبائی دارالحکومت لاہور میں بچوں کے اغوا ہونے کا سلسلہ تھم نہ سکا ہے، اس طرح کے واقعات نے پولیس کارکردگی پر سوالیہ نشان اٹھادیا ہے۔
تفصیلات کے مطابق لاہور کے جنرل اسپتال کے مسافرخانہ سے مبینہ طور پر تین سالہ بچے کو اغوا کرلیاگیا ہے، بچے کے اغوا کی سی سی ٹی وی فوٹیج منظر عام پر آگئی ہے۔
اغوا ہونے والا تین سالہ مزمل ملتان سے لاہور جنرل اسپتال علاج کے لیے لایا گیا تھا، لواحقین کے مطابق مسافر خانے سے رات نا معلوم اغوا کار بچے کو اٹھا کر کےفرار ہوگئے۔
یہ بھی پڑھیں: کراچی میں گھر سے بچی اغوا، فوٹیج سامنے آگئی
اے آر وائی نیوز نے واقعہ کی سی سی ٹی وی فوٹیج حاصل کرلی ہے، جس میں ایک شخص کو بچے کو اسپتال سے باہر لے جاتے ہوئے دیکھاجاسکتا ہے۔
پولیس نے نامعلوم افراد کے خلاف مقدمہ درج کرکے کارروائی شروع کردی ہے۔
Comments
- Advertisement -
