لاہور : ڈی ایس پی کے بیٹے طلحہ کی گاڑی کی ٹکر سے نوجوان ہلاک -
The news is by your side.

Advertisement

لاہور : ڈی ایس پی کے بیٹے طلحہ کی گاڑی کی ٹکر سے نوجوان ہلاک

لاہور : ڈی ایس پی کے بیٹے طلحہ کی گاڑی کی ٹکر سے ہلاک ہونے والے گوجرانوالہ کے رہائشی محمد بلال کی نواحی گاؤں ایمن آباد میں تدفین کر دی گئی جبکہ ڈی ایس پی ضمانت قبل از گرفتاری کے بعد بیٹے کو تھانے میں پیش کیا.

لاہور میں ایک اور جواں سال بڑے باپ کی بگڑی اولاد کے ایڈ وینچر کی بھینٹ چڑھ گیا، گزشتہ رات جوہر ٹاؤن میں پچیس سالہ بلال کی موٹر سائیکل کو جس کار نے ٹکر ماری اسے ڈی اسی پی نوید ارشاد کا سولہ سالہ بیٹا طلحٰہ ڈرائیو کر رہا تھا۔

ملزم کی عمر محض سولہ سال ہے اور اسکے پاس ڈرائیونگ لائسنس بھی نہیں لیکن پولیس اہلکاروں نے گاڑی قبضے میں لے کر اپنے افسر کے قاتل بیٹے کو چھوڑ دیا۔

معاملہ میڈیا پر آیا تو ملزم کیخلاف تھانہ جوہر ٹاؤن میں مقدمہ درج کر لیا گیا، ڈی ایس پی نے میڈیا کی تنقید سے بچنے کیلئے نوجوان کو کچلنے والے بیٹے کو پولیس کی تحویل میں دے دیا, واقعے کے بعدپولیس نےطلحہ کو چھوڑ دیا تھا، جس کے بعد ڈی ایس پی نوید نے بیٹے کی ضمانت کروائی۔

اس سے قبل بھی شاہ زیب قتل کیس، زین قتل کیس اور اس جیسے اور واقعات میں بڑے باپ کی بگڑی اولادیں کئی گھروں کے چراغ گُل کر چکی ہیں۔

Comments

comments

یہ بھی پڑھیں