لاہور: وزیراعلیٰ پنجاب حمزہ شہبازشریف نے حلف اٹھاتے ہوئے پنجاب بیورو کریسی کا اجلاس طلب کرلیا ہے۔
ذرائع کے مطابق حمزہ شہباز نے وزارت اعلیٰ کا منصب سنبھالتے ہی پنجاب بیوروکریسی کااجلاس طلب کر لیا ہے جس کے باعث اعلیٰ افسران میں کھبلی مچ گئی ہے۔
اس بات کا قوی امکان ہے کہ ایڈووکیٹ جنرل پنجاب احمد اویس کو تبدیل کردیا جائے گا جبکہ بڑے پیمانے پر سینئر بیوروکریٹس اور پولیس افسران کے بھی تبادلے ہونے کا امکان ہیں۔
واضح رہے کہ چند روز قبل ایڈووکیٹ جنرل پنجاب نے لاہور ہائی کورٹ کا حمزہ شہباز کے حلف کا فیصلہ چیلنج کرنے کا اعلان کیا تھا۔
یہ بھی پڑھیں: حمزہ شہباز وزیراعلیٰ پنجاب بن گئے
ایڈووکیٹ جنرل احمد اویس نے کہا تھا کہ گورنر پنجاب کو نوٹس ہی نہیں کیا گیا اور نہ ہی ان کو سنا گیا ہے جبکہ صدرِ پاکستان کیس میں فریق نہیں تھے، انہیں کیسے ہدایات جاری ہو سکتی ہیں؟
ایڈووکیٹ جنرل پنجاب کا یہ بھی کہنا تھا کہ آئین کے تحت صدر اور گورنر کو ہدایات جاری نہیں کی جا سکتیں۔
بعد ازاں ایڈووکیٹ جنرل پنجاب احمد اویس کو کام کرنے سے روک دیا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں