لاہور سے استنبول جانے والے مسافر بردار طیارے سے پرندہ ٹکرا گیا، حادثے کے نتیجے میں کوئی جانی نقصان نہیں ہوا پائلٹ نے بحفاظت جہاز کو لینڈ کرلیا۔
اے آر وائی نیوز کو موصولہ اطلاعات کے مطابق صوبائی دارالحکومت لاہور میں واقع انٹرنیشنل ایئرپورٹ پر استنبول جانے والی نجی ایئرلائن کی پرواز بال بال خوفناک حادثے کا شکار ہونے سے بچ گئی۔
حادثہ پرندہ ٹکرانے کے باعث پیش آیا جس کے نتیجے میں طیارے کو شدید نقصان پہنچا تاہم کوئی جانی نقصان نہیں ہوا اور پائلٹ نے طیارے کو بحفاظت لاہور ایئرپورٹ پر اتار لیا۔
ایئرپورٹ حکام کی جانب سے 350 مسافروں کو انٹرنیشنل ڈیپارچر لاؤنج منتقل کردیا گیا ہے جب کہ طیارے کی روانگی غیر معینہ مدت کےلیے ملتوی کردی گئی ہے جس کے خلاف مسافر شدید احتجاج کررہے ہیں۔
غیر ملکی ایئرلائن کی جانب سے پرواز میں تاخیر کے باعث مسافروں کو گھر کا مشورہ دیا گیا ہے جس پر مسافروں نے گھروں کے بجائے ہوٹلوں میں رہائش دینے کا مطالبہ کیا ہے۔
نمائندہ اے آر وائی کا کہنا ہے کہ مسافروں کے احتجاج کے پیش نظر ایئرپورٹ انتظامیہ نے لاہور ایئرپورٹ پر اے ایس ایف کی نفری طلب کرلی۔
