لاہور میں فائرنگ‘دو پولیس اہلکار جاں بحق -
The news is by your side.

Advertisement

لاہور میں فائرنگ‘دو پولیس اہلکار جاں بحق

لاہور: لاہور میں تھانہ ٹبی سٹی کی حدود میں دوروز قبل نامعلوم ملزمان کی فائرنگ سےزخمی ہونےوالےدو پولیس اہلکارجان کی بازی ہارگئے۔

تفصیلات کےمطابق لاہورمیں تھانہ ٹبی سٹی کی حدود میں دو روز قبل ہونے والی فائرنگ کےنتیجے میں زیر علاج دونوں پولیس اہلکار جاں بحق ہوگئے۔

خیال رہےکہ دو روز قبل لاہورمیں لیڈی ولنگٹن اسپتال کےقریب فورٹ روڈ پرہونے والی فائرنگ کے نتیجے میں سی آئی اے غازی آباد کے دو اہلکاروں ظفراوررضوان سمیت تین افراد شدید زخمی ہوئے تھے۔

اسپتال ذرائع کے مطابق دونوں زیرعلاج اہلکار زخموں کی تاب نہ لاتے ہوئے دم توڑ گئے ہیں۔جبکہ تیسرا شخص افضال جو سی آئی اے پولیس کا کارخاص ہےتاحال میو اسپتال میں تشویش ناک حالت میں زیرعلاج ہے۔

مزید پڑھیں:لاہور میں فائرنگ‘دوپولیس اہلکاروں سمیت3افرادزخمی

یاد رہےکہ وزیراعلیٰ پنجاب شہبازشریف نے لاہور میں پولیس اہلکاروں پرفائرنگ کے واقعے کی تحقیقات کاحکم دیتے ہوئے واقعےکی رپورٹ طلب کی تھی۔

شہبازشریف نے سی سی پی اولاہور کوہدایت دی تھی کہ فائرنگ کرنے والےملزمان کو فی الفورگرفتارکیاجائےتاہم دوروزگزرنے کے بعد بھی پولیس ملزمان کا سراغ لگانے میں ناکام رہی ہے۔

مزید پڑھیں: پیپلزپارٹی کےرہنماکےقتل کامقدمہ درج ‘ن لیگ کےرکن قومی اسمبلی نامزد

واضح رہےکہ گزشتہ دنوں لاہور کےعلاقے مناواں میں اتوارکی درمیانی شب پیپلزپارٹی کے مقامی رہنما بابرسہیل بٹ کوگھرمیں گھس کراندھادھند فائرنگ کرکےقتل کردیاتھا۔

Comments

comments

یہ بھی پڑھیں