The news is by your side.

Advertisement

کالعدم تنظیم کے رہنماؤں کی متعدد کیسز میں ضمانت منظور

لاہور: انسداد دہشت گردی کی عدالتوں نے کالعدم تنظیم کے رہنماؤں کی متعدد کیسز میں ضمانت منظور کرلی ، گرفتار رہنماؤں کیخلاف مختلف تھانوں میں مقدمات درج تھے۔

تفصیلات کے مطابق حکومت اور کالعدم تنظیم کے درمیان معاہدے پر مرحلہ وار عملدرآمد کا سلسلہ جاری ہے ، اس ضمن میں لاہور میں انسداد دہشت گردی کی 2عدالتوں نے کالعدم تنظیم کے رہنماؤں کی ضمات کی درخواستوں پر سماعت ہوئی۔

انسداد دہشت گردی کی عدالتوں نے کالعدم تنظیم کے رہنماؤں کی متعدد کیسز میں ضمانت منظور کرلی ، رہنماؤں میں فاروق الحسن٫غلام غوث بغدادی٫ظہیرالحسن٫شریف الدین سمیت دیگر شامل ہیں۔

گرفتار رہنماؤں کیخلاف مختلف تھانوں میں مقدمات درج تھے، مقدمات لاہور کے مختلف تھانوں درج کیےگئے تھے۔

خیال رہے پنجاب کابینہ نے وفاقی حکومت کو تحریک لبیک پاکستان کیساتھ کالعدم فوری طور پر ہٹانے کی سفارش کردی اور کہا ٹی ایل پر عائد پابندیاں ختم کی جائیں۔

یاد رہے پنجاب حکومت نے کالعدم تنظیم کے مزید 100 کارکنان رہا کرنے اور 90 افراد کے نام فورتھ شیڈول سے خارج کرنے کی منظوری دی تھی۔

وزیر قانون پنجاب راجہ بشارت کی زیر صدارت اجلاس میں 7 اے ٹی اے کے تحت درج 4 ایف آئی آرز سے بھی نام خارج کرنے کی منظوری دی گئی۔

ذرائع محکمہ داخلہ کا کہنا تھا کہ پنجاب میں نظربند ایسے افراد جن پر کیسز نہیں ان کورہا کردیاگیا، پنجاب میں16ایم پی اوکےتحت نظر بند افراد کو رہا کیا۔

Comments

یہ بھی پڑھیں