site
stats
اہم ترین

لاہور دھماکہ: شہدا کی نماز جنازہ ادا

لاہور: پنجاب کے صوبائی دارالحکومت لاہور میں گزشتہ روز ہونے والے دھماکے کے شہدا کی نماز جنازہ ادا کردی گئی۔ نماز جنازہ میں گورنر، وزیر اعلیٰ پنجاب، صوبائی وزرا، عسکری حکام اور شہریوں نے بڑی تعداد میں شرکت کی۔

گزشتہ روز لاہور کے مال روڈ پر چیئرنگ کراس کے مقام پر ہونے والے خودکش بم دھماکے میں ڈی آئی جی ٹریفک اور ایس ایس پی سمیت 14 افراد شہید اور 70 سے زائد زخمی ہوگئے تھے۔

دھماکے میں شہید ہونے والے افراد کی نماز جنازہ ادا کردی گئی۔ نماز جنازہ میں گورنر پنجاب، وزیر اعلیٰ پنجاب، صوبائی وزرا، کور کمانڈر لاہور، دیگر عسکری حکام اور شہریوں کی بڑی تعداد نے شرکت کی۔

یاد رہے کہ گزشتہ روز دھماکہ اس وقت ہوا جب پنجاب فارما ایسوسی ایشن کے ارکان احتجاج کے دوران خطاب کر رہے تھے۔ اتنظامیہ مظاہرین سے مذاکرات کر رہی تھی کہ وہ احتجاج ختم کریں تو سڑک کھول دی جائے۔ مظاہرین سے نمٹنے کے لیے ڈنڈا بردار پولیس فورس بھی تیار تھی کہ اسی دوران دھماکہ ہوگیا۔

مزید پڑھیں: لاہور دھماکے کی پیشگی اطلاع

دوران احتجاج کسی ممکنہ ناخوشگوار صورتحال سے نمٹنے کے لیے جائے وقوع پر پہلے سے امدادی ادارے ریسکیو 1122 کا ٹرک اور پولیس کا ٹرک موجود تھا۔ علاوہ ازیں میڈیا نمائندگان بھی وہاں موجود تھے۔

دھماکہ آج ٹی وی کی ڈی ایس این جی وین کے بالکل نزدیک ہوا جس کے باعث آج ٹی وی کی گاڑی مکمل طور پر تباہ ہوگئی۔ اس کا کیمرا مین اور ڈرائیور زخمی ہوگئے۔

ترجمان پنجاب حکومت احمد ملک کے مطابق دھماکہ خود کش تھا۔ شہدا میں دو ٹریفک وارڈن اور دو پولیس اہلکار بھی شامل ہیں۔

حملے کے بعد وزیر اعلیٰ پنجاب شہباز شریف نے صوبے میں ایک روزہ سوگ کا اعلان کردیا جس کے بعد یوم سوگ پر سرکاری عمارتوں پر قومی پرچم سرنگوں ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top