خود کش حملہ آور تنہا نہیں آیا،اس کے ساتھ 3ساتھی اور بھی تھے، ایف آئی آر میں انکشاف -
The news is by your side.

Advertisement

خود کش حملہ آور تنہا نہیں آیا،اس کے ساتھ 3ساتھی اور بھی تھے، ایف آئی آر میں انکشاف

لاہور: چئیرنگ کراس دھماکے کی تحقیقات جاری ہے، ایف آئی آر میں انکشاف ہوا ہے کہ حملہ آور کے ساتھ تین ساتھی بھی تھے، جو واقعے کے بعد فرار ہوگئے۔

لاہور چئیرنگ کراس دھماکے کی تحقیقات، ایف آئی آر میں چونکا دینے والے انکشافات، خود کش حملہ آور تنہا نہیں آیا،اس کے ساتھ تین ساتھی بھی تھے، جو واقعے کے بعد فرار ہوگئے، جن کی تلاش جاری ہے، ایف آئی آر کی کاپی اے آروائی نیوز نے حاصل کرلی، ایف آئی آر نمبر چھ بٹا سترہ ہے۔

لاہور دھماکے کا مقدمہ تھانہ سی ٹی ڈی میں درج کرلیا گیا ہے، جس میں قتل، اقدام قتل، دہشت گردی ایکٹ کی دفعات شامل ہیں، تحقیقاتی اداروں نے حملہ آور کے جبڑے، دانت اور دیگر اعضاء سمیت شواہد اکھٹے کرلئے ہیں، جیوفینسگ سے بھی مددحاصل کی جا رہی ہے۔

تاہم فرانزک رپورٹ کے بعد اہم حقائق سامنے آنے کا امکان ہے۔


مزید پڑھیں: لاہور دھماکا: ڈی آئی جی ٹریفک اور ایس ایس پی سمیت 13 شہید، 70 زخمی


یاد رہے کہ لاہور میں خودکش دھماکے میں تیرہ افراد جاں بحق اور ستر سے زیادہ زخمی ہوگئے، جاں بحق ہونے والوں میں ڈی آئی جی ٹریفک اور ایس ایس پی آپریشن سمیت چار اہلکار شامل ہیں۔

دھماکہ اس وقت ہوا جب پولیس افسران پنجاب اسمبلی کے سامنے مظاہرین سے مذاکرات کررہے تھے۔

Comments

comments

یہ بھی پڑھیں