لاہور کے علاقے ڈیفنس میں پولیس نے جانوروں پر تشدد کر نے والی خاتون کو گرفتار کرکے مقدمہ درج کرلیا۔
تفصیلات کے مطابق لاہور کے علاقے ڈیفنس فیز 2 میں خاتون کے خلاف جانوروں پر تشدد کا مقدمہ درج کرلیا گیا، انسٹاگرام پر خرگوش کی ہلاکت اور بلی کو مارنے کی دھمکی کی جس کی ویڈیو وائرل ہوگئی۔
مقدمہ تھانہ ڈیفنس بی میں وائلڈ لائف قوانین کے تحت درج کیا گیا، پولیس نے بتایا ملزمہ زخمی جانوروں کی تصاویر سوشل میڈیا پر اپلوڈ کرتی تھی۔
ایف آئی آر کے متن کے مطابق ویڈیو میں ملزمہ بلی اور خرگوش پر تشدد کرتی، انہیں مارنے کی دھمکیاں دیتی تھیں، ملزمہ کے گھر سے بڑی تعداد میں جانور ملے، جن میں بیشتر جانور بدتر حالت میں پائے گئے۔
حکام کا کہنا ہے کہ تمام جانور وائلڈ لائف پنجاب کے حوالے کر دیئے گئے، پولیس حکام کے مطابق ملزمہ کی ذہنی حالت ٹھیک نہیں ہے، اُسے ذہنی امراض کے نجی کلینک میں داخل کرا دیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں