لاہور : 8 ہفتوں کے انتظار کے بعد زندہ دلانِ لاہوریوں کیلئے ایٹ فیسٹیول کا میلہ سجایا جارہا ہے، جو 31 مارچ سے 2 اپریل تک جاری رہے گا۔
تفصیلات کے مطابق لاہور میں ایٹ فیسٹیول پھر سج رہا ہے، جہاں لاہوری طرح طرح کے ذائقے دار کھانوں سے لطف اٹھا سکیں گے ، ایٹ فیسٹیول فورٹریس اسٹیڈیم میں منعقد کیا جارہا ہے، جو 31 مارچ سے 2 اپریل تک جاری رہے گا۔
کھانوں کے شہر لاہور میں 3 روزہ ایٹ فیسٹیول میں بڑی تعداد میں اسٹالز لگائے جائیں گے، جن میں دیسی ، پاکستانی، باربی کیو، چائنیز اور اطالوی کھانے شامل ہیں۔
لاہور ایٹ فیسٹیول ملتوی
خیال رہے کہ فیسٹیول کو دراصل فروری کے دوسرے ہفتے میں منعقد ہونا تھا تاہم سیکیورٹی وجوہات کے باعث اسے تاخیر کا سامنا کرنا پڑا، ‘سی کے او’ نامی ایک کمپنی نے اس فیسٹیول کو آرگنائز کیا ہے، یہ وہی کمپنی ہے، جنہوں نے کراچی میں پہلا فوڈ فیسٹیول ‘کراچی ایٹ’ کا انعقاد کیا تھا۔
سی کے او کے ڈائریکٹر اسلم خان کا کہنا تھا لاہور دھماکے کے بعد سیکیورٹی کی صورتحال کی پیش نظر حکومت نے ہمیں دیا ہوا این او سی منسوخ کردیا تھا،لیکن اب لاہور میں پاکستان سُپر لیگ کے فائنل کے بعد یہ سب سے بڑا ایونٹ ہوگا۔
اس سال ایونٹ کی دلچسپ بات یہ ہے کہ اس سال فوڈ اسٹالز کے علاوہ لائیو میوزک بھی پیش کیا جائے گا۔