لاہورسمیت دیگر شہروں میں اسموگ میں کمی کے لیے ماحولیاتی ایمرجنسی نافذ کر دی گئی۔
وزیراعلیٰ پنجاب چودھری پرویز الہیٰ نے لاہور میں ماحولیاتی ایمرجنسی نافذ کرتے ہوئے کہا کہ پنجاب بھر میں فصلوں کی باقیات کو آگ لگانے پر پابندی عائد ہے۔
وزیراعلیٰ پنجاب نے کہا کہ اسموگ میں کمی کے لئے ماحولیاتی ایمرجنسی نافذ کر دی ہے، اسموگ کو آفت قرار دیا گیا ہے، اسموگ کا سبب بننے والے عوامل پر قابو پانے کیلئے کارروائی کی جائے گی۔
وزیراعلیٰ پنجاب چوہدری پرویزالٰہیٰ کا کہنا تھا کہ ایس او پیز پر عملدرآمد میں کوتاہی برداشت نہیں کی جائے گی، فصلوں کی باقیات کو آگ لگانے والے افراد کیخلاف کارروائی کی جائے
اس کے علاوہ وزیر اعلیٰ پنجاب نے کہا کہ دھواں دینے والی گاڑیوں کے خلاف بلاتفریق قانونی کارروائی جاری رکھی جائے۔
واضح رہے کہ دنیا کے آلودہ ترین شہروں میں لاہور مسلسل آج بھی پہلے نمبر پر موجود ہے، جس کے باعث بچوں اور بڑوں میں نزلے، زکام، چیسٹ انفیکیشن، بخار اور سانس کی بیماریاں تیزی سے پھیلنے لگیں۔
