The news is by your side.

Advertisement

لاہور: مکان میں گیس لیکج کے باعث دھماکا، 4 بچے جاں بحق

لاہور: صوبائی دارالحکومت لاہور میں گیس لیکج کے باعث مکان منہدم ہوگیا، افسوسناک واقعے میں چار بچے جاں بحق ہوگئے ہیں۔

ریسکیو ذرائع کے مطابق لاہور کے علاقے برکی روڈ پر واقع پنگالی گاؤں میں مکان میں زوردار دھماکا ہوا، زوردار دھماکے کے باعث مکان زمین بوس ہوگیا، جس کے نتیجے میں ملبے تلے دب کر چار بچے جاں بحق ہوگئے۔

ابتدائی معلومات کے مطابق مکان میں گیس بھرگئی تھی، آگ جلانے کے باعث مکان میں زوردار دھماکا ہوا، واقعے میں بارہ سے زائد افراد زخمی بھی ہوئے،جنہیں طبی امداد کے لئے سروسز اور میو اسپتال منتقل کردیا گیا ہے، جہاں انہیں طبی امداد دی جارہی ہے۔

ریسکیو حکام کے مطابق دھماکے کے نتیجے میں جاں بحق ہونے والے بچوں میں ہارون، علی، شیری اور انوش شامل ہیں۔

Comments

یہ بھی پڑھیں