The news is by your side.

Advertisement

لاہور، کنگا رام اسپتال میں پہلی بار کامیاب آپریشن، تین بچوں‌ کو بینائی مل گئی

لاہور کے گنگا رام اسپتال میں ڈاکٹرز نے آنکھوں کا انتہائی پیچیدہ آپریشن کامیاب سے مکمل کیا، جس کے بعد تین نابینا بچوں کو بینائی مل گئی۔

اے آر وائی نیوز کے مطابق لاہور کے کنگا رام اسپتال میں چودہ، 17 اور بیس سال کی عمر کے تین نابینا بچوں کی آنکھوں کا کارنیا آپریشن کامیابی کے ساتھ کیا گیا۔

اس حوالے سے ایک ٹیم تشکیل دی گئی تھی، جس کی سربراہی ماہرِ امراضِ چشم پروفیسر ہما کیانی نے کی۔ انہوں نے بتایا کہ امریکا نے تین کارنیا سر گنگارام اسپتال کے شعبہ چشم کو عطیہ کی تھیں، جو ان بچوں کو لگائیں گئیں۔

انہوں نے بتایا کہ گنگارام  اسپتال میں پہلی بار کارنیا کا کامیاب آپریشن کیا گیا، جس میں تین نابینا بچوں کو مل گئی۔

پروفیسر ہما کیانی کے مطابق حق دار افراد کے کارنیا کے مفت  آپریشن کیے گئے ہیں، بینائی ملنے والے بچوں کی عمریں 14, 17 اور 20 سال ہیں۔

قوتِ بصارت بحال ہونے پر متاثرہ بچوں اور اہل خانہ میں خوشی کی لہر دوڑ گئی، جس پر انہوں نے اللہ کے حضور سجدہ شکر کیا جبکہ ڈاکٹرز کا بھی شکریہ ادا کیا۔

Comments

یہ بھی پڑھیں