The news is by your side.

لاہور میں لڑکیاں گھر میں گھس کر موبائل فونز لے اُڑیں

لاہور: پنجاب کے دارالحکومت لاہور میں دو لڑکیوں نے گھر میں گھس کر موبائل فون چرا لیے۔

اے آر وائی نیوز کے مطابق لاہور کے علاقے غازی آباد میں موٹرسائیکل سوار ایک مرد اور دو لڑکیاں گھر میں واردات کرکے فرار ہوگئیں۔

غازی میں انوکھی واردات کی سی سی ٹی وی فوٹیج سامنے آگئی۔ فوٹیج میں لڑکیوں کو گھر میں داخل ہونے اور واردات کے بعد باآسانی فرار ہوتے ہوئے دیکھا جاسکتا ہے۔

پولیس حکام کا کہنا ہے کہ واردات کا مقدمہ درج کرلیا گیا ہے جبکہ سی سی ٹی وی فوٹیج کی مدد سے ملزمان کی گرفتاری عمل میں لائی جائے گی۔

مزید پڑھیں: لاہور میں وکیل سے کروڑوں کی ڈکیتی، مقدمہ درج

واضح رہے کہ گزشتہ ماہ لاہور ہائیکورٹ کے وکیل ایڈووکیٹ چوہدری عزیز سے فیروز والا کے علاقے دوساکو چوک کے قریب مسلح افراد دو کروڑ روپے چھین کر فرار ہوگئے تھے۔

تھانہ فیکٹری ایریا میں متاثرہ شہری کی مدعیت میں واقعے کا مقدمہ درج کیا گیا تھا۔

مدعی مقدمہ ایڈووکیٹ چوہدری عزیر کا کہنا تھا کہ وہ اپنے کزن سعد ظفر کے ہمراہ بینک سے رقم لے کر نکلے تھے کہ دو گاڑیوں پر سوار 6 ڈاکوؤں نے انہیں روکا اور رقم چھین کر فرار ہوگئے۔

Comments

یہ بھی پڑھیں