لاہور : لاہور میں آٹھ سے زائد ہوس کے پجاریوں نے نوجوان لڑکی کو اغوا کے بعد زیادتی کا نشانہ بنا ڈالا، واقعے کے بعد چھ ملزمان کو گرفتار کرلیا گیا جبکہ تین فرار ہوگئے، پولیس نے مقدمہ درج کر لیا ہے۔
لاہور میں مال روڈ کے قریب شرمناک واقعہ پیش آیا، جب ایک نوجوان لڑکی کی عزت تار تارکردی گئی، عدنان ثناء اللہ نامی شخص سمیت دیگرآٹھ ہوس کے پجاری امیر زادوں نے بینش اسد نامی چودہ سالہ معصوم لڑکی کو رانا ٹاؤن ملتان روڈ سے اغواء کرکے مال روڈ پر واقع گیسٹ ہاؤس میں اجتماعی زیادتی کا نشانہ بنایا۔
متاثرہ لڑکی مظلوم لڑکی کی والدہ اور بہن نے وزیراعظم اور خادم اعلیٰ سے انصاف کی اپیل کرتے ہوئے کہا ہے کہ ملزمان کو کڑی سے کڑی سزا دی جائے۔
- Advertisement -
پولیس نے چھ ملزمان کو گرفتار کرکے واقعے کیخلاف مقدمہ درج کرلیا ہے جبکہ تین ملزمان تاحال فرار ہیں۔
