لاہور: ہائی کورٹ نے ایم کیوایم کے قائد الطاف حسین کی تقریر نشر کرنے تصاویر شائع کرنے اور ان کی سرگرمیوں سے متعلق خبروں کو ٹیلی کاسٹ کرنے پر پابندی عائد کردی ہے۔
تفصیلات کے مطابق لاہور ہائیکورٹ میں الطاف حسین کے خلاف غداری کا مقدمہ درج کرنے سے متعلق کیس کی سماعت تین رکنی بینچ نے کی، دوران سماعت درخواست گزار نے مؤقف اختیار کیا کہ الطاف حسین نے متعدد بار فوج مخالف بیانات دیے ہیں۔
جو آرٹیکل چھ کے تحت غداری کے زمرے میں آتے ہیں، عدالت نے الطاف حسین کے بیانات نشر کرنے، تصاویر شائع کرنے اور ان کی سرگرمیوں سے متعلق خبروں کو ٹیلی کاسٹ کرنے پر پابندی عائد کردی۔
عدالت نے پیمرا اور دیگر اداروں کو احکامات پر سختی سے عمل درآمد کرنے کی ہدایت کردی جب کہ الطاف حسین کی شہریت کے حوالے سے ریکارڈ بھی عدالت نے آئندہ سماعت پر طلب کرلیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں