site
stats
پاکستان

ایم کیو ایم پر پابندی کی درخواست پر ایم کیو ایم کو نوٹس جاری

لاہور : ایم کیو ایم پر پابندی کی درخواست پرلاہور ہائی کورٹ نے ایم کیو ایم کو نوٹس جاری کردئیے، پانچ اکتوبر کو لارجر بینچ کیس سنے گا۔

لاہور ہائیکورٹ میں ایم کیو ایم پر پابندی عائد کرنے لیے دائر درخواست کی سماعت ہوئی، عدالت نے دلائل کے بعد ایم کیو ایم کو نوٹس جاری کردئیے اور مقدمہ پانچ اکتوبر کو لارجر بنچ کے روبرو لگانے کا حکم دے دیا۔

عدالت میں سرکاری وکیل نے مؤقف اختیار کیا کہ معاملہ سیاسی ہے، حکومت اسے دیکھ رہی ہے، درخواست گزار نے پابندی کی درخواست دی تھی مگر اس کا جواب دینے کے لیے ٹائم فریم نہیں دے سکتے۔

درخواست گزار نے دلائل میں کہا کہ جو سیاسی جماعت ملکی سالمیت کے خلاف کام کرے ،قانون کے مطابق وہ پاکستان میں سیاست نہیں کرسکتی، بانی ایم کیو ایم نے پاکستان کے خلاف بیانات دئیے، متحدہ کے دیگر رہنماؤں نے اس کی تائید کی، عدالت بطور سیاسی جماعت ایم کیو ایم پر پابندی اور اُس کے اراکین پارلیمنٹ کو نااہل قرار دے۔

درخواست گزار کا کہنا تھا کہ بانی ایم کیو ایم کے بیانات کی جس رہنما نے تائید کی ان سب کے خلاف غداری کا مقدمہ چلایا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top