مسئلہ کشمیر حل ہونے تک بھارتی فلموں پر پابندی لگانے کی درخواست -
The news is by your side.

Advertisement

مسئلہ کشمیر حل ہونے تک بھارتی فلموں پر پابندی لگانے کی درخواست

لاہور: مسئلہ کشمیرحل ہونے تک پاکستانی سینما گھروں میں بھارتی فلموں کی نمائش پر پابندی کے لئے لاہور ہائیکورٹ میں درخواست دائر کر دی گئی ہے۔

تفصیلات کے مطابق لاہور ہائیکورٹ میں مسئلہ کشمیرحل ہونے تک پاکستانی سینما گھروں میں بھارتی فلموں کی نمائش پر پابندی کے لئے درخواست دائر کردی، جوڈیشل ایکٹو ازم پینل کی جانب سے دائر کی گئی ہے۔

درخواست میں کہا گیا ہے کہ بھارتی قابض افواج نے کشمیر میں ظلم و بربریت کا سلسلہ شروع کر رکھا ہے اور کشمیریوں کا قتل عام کیا جا رہا ہے، اس وقت بھارت کی جانب سے پاکستانی سرحدوں کی خلاف ورزی کا سلسلہ بھی جاری ہے۔

درخواست گزار کا کہنا ہے کہ پاک بھارت جنگ کے خدشات روز بروز بڑھتے جا رہے ہیں مگر اس کے باوجود پاکستان میں بھارتی فلموں کی نمائش جاری ہے، ان بھارتی فلموں میں پاکستان کے خلاف ہرزہ سرائی کی جاتی ہے اور کشمیری مجاہدین کو دہشت گرد دکھایا جاتا ہے جو نہ صرف ملکی وقار بلکہ کشمیر پالیسی سے بھی متصادم ہیں۔

درخواست گزار کے مطابق بھارتی فلمیں کشمیریوں کی جدوجہد آزادی کو منفی انداز میں پیش کرتی ہیں، لہذا کشمیریوں سے اظہار یکجہتی کے لئے کشمیر کی آزادی تک پاکستانی سینما گھروں میں بھارتی فلموں کی نمائش پر پابندی کے احکامات صادر کئے جائیں۔

Comments

comments

یہ بھی پڑھیں