The news is by your side.

Advertisement

پی ٹی آئی کا دھرنا رکوانے کی درخواست پر فل بینچ تشکیل

لاہور: لاہور ہائیکورٹ نے پی ٹی آئی کا دھرنا رکوانے کی درخواست پر فل بینچ تشکیل دیدیا، بینچ چھبیس اکتوبر سے درخواست کی سماعت شروع کرے گا۔

لاہور ہائیکورٹ میں پی ٹی آئی کا دھرنا رکوانے کیلئے عدالت نے سماعت کیلئے فل بینچ تشکیل دیدیا ہے، لاہور ہائیکورٹ میں پی ٹی آئی کا دو نومبرکا دھرنا رکوانے کیلئے درخواست دائر کی گئی۔

درخواست گزار نے مؤقف اختیار کیا کہ عمران خان کے دھرنے سے انتشار پھیلنے کا خدشہ ہے، دھرنے سے اسلام آباد میں کاروباری زندگی تباہ اور عالمی سطح پر ملک کی بدنامی ہوگی۔


مزید پڑھیں : سپریم کورٹ نے پی ٹی آئی کا دھرنا روکنے کیخلاف درخواست مسترد کردی


درخواست گزار کا کہنا ہے کہ عدالت دھرنے کو غیر آئینی قرار دیکر اسے روکنے کے احکامات جاری کرے، عدالت نے درخواست کی سماعت کیلئے جسٹس شاہد حمیدڈار کی سربراہی میں فل بینچ تشکیل دے دیا ہے، بینچ چھبیس اکتوبر سے درخواست کی سماعت کرے گا۔

اس سے قبل سپریم کورٹ نے تحریک انصاف کو دھرنے سے روکنے کی استدعا مسترد کرتے ہوئے دائر درخواست پر فریقین کو نوٹسسز جاری کردیے تھے، چیف جسٹس کا کہنا تھا کہ کیا اب یہ کام بھی ہم نے کرنا ہے ؟ جن کا کام ہے وہ خود کریں ، سیاسی معاملات میں مداخلت نہیں کریں گے۔


مزید پڑھیں : بدھ 2 نومبر کو اسلام آباد بند کردیں گے،عمران خان


واضح رہے کہ پاکستان تحریک انصاف کے سربراہ نے اعلان کیا تھا کہ 2 نومبر کی دوپہر 2 بجے سے دارالخلافہ کو بند کرنا شروع کردیں گے، دھرنا وزیر اعظم کے استعفیٰ تک جاری رہے گا،کوئی ہمارے پُرامن احتجاج کے سامنے نہ آئے ورنہ نتائج کا ذمہ دار خود ہوگا۔

Comments

comments

یہ بھی پڑھیں