The news is by your side.

Advertisement

نواز شریف کی عدلیہ مخالف تقاریر، لاہور ہائیکورٹ نے فل بینچ تشکیل دے دیا

اسلام آباد: سابق وزیر اعظم میاں محمد نواز شریف کی جانب سے مسلسل عدلیہ مخالف تقاریر کے خلاف درخواستوں پر عدالت نے فل بینچ تشکیل دے دیا ہے۔

تفصیلات کے مطابق نواز شریف کے خلاف لاہور ہائیکورٹ کے جسٹس مظاہر علی نقوی کی سربراہی میں تین رکنی بینچ تشکیل دیا گیا ہے جبکہ بینچ کے دیگر ارکان میں جسٹس عاطر محمود اور جسٹس شاہد بلال حسن بھی شامل ہیں۔

جسٹس مظاہر علی اکبر نے شہری کی درخواست پر لارجر بینچ بنانے کی سفارش کی تھی البتہ لاہور ہائیکورٹ کا فل بینچ دو اپریل کو درخواستوں پر سماعت کرے گا۔

عدلیہ مخالف تقاریر، نوازشریف اور مریم نواز سے15مارچ تک جواب طلب

لاہور ہائیکورٹ کے مطابق عدلیہ مخالف تقاریر کے خلاف مختلف بینچز میں کیسز زیر سماعت ہیں تاہم معاملہ اہم نوعیت کا ہے جس سے متعلق لاجر بینچ بنایا جائے۔

یاد رہے کہ گذشتہ دنوں بہاولپور میں‌ جلسہ عام سے خطاب کرتے ہوئے نواز شریف نے عدلیہ کو شدید تنقید کا نشانہ بنایا تھا انہوں نے کہا تھا کہ 70 سال میں ہم نے بہت ٹھوکریں کھائی ہیں، اب 70 سال کی پالیسیوں کے خلاف بغاوت کا اعلان کرتا ہوں، ہم اپنا حق مانگیں گے، ملتا نہیں توچھینیں لیں گے۔

عدلیہ مخالف تقاریر، نواز شریف اور مریم نواز کے خلاف توہین عدالت کی درخواست پر پیمرا سے جواب طلب

واضح رہے کہ مسلم لیگ ن کے متعدد رہنماؤں کیخلاف توہین عدالت کے کیسز زیر سماعت ہیں، رہنماؤں میں وزیر داخلہ احسن اقبال، وزیر ریلوے سعد رفیق، وزیر مملکت طلال چوہدری اور وزیر برائے نجکاری دانیال عزيز شامل ہیں۔

اس سے قبل مسلم لیگ ن کے رہنما نہال ہاشمی توہین عدالت کیس میں 1 ماہ قید اور پچاس ہزار روپے جرمانے کی سزا کاٹ چکے ہیں جبکہ ایک بار پھر نہال ہاشمی کیخلاف توہین عدالت کیس سپریم کورٹ میں زیر سماعت ہیں اور 26 مارچ کو ان پر دوبارہ فردِ جرم عائد کی جائے گی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں