site
stats
پاکستان

لاہور ہائیکورٹ نے بھی شریف خاندان کی تینوں شوگر ملز کو کرشنگ سے روک دیا

لاہور : لاہور ہائیکورٹ نے بھی شریف خاندان کی تینوں شوگر ملزکو کرشنگ سے روک دیا، چیف جسٹس لاہور ہائی کورٹ نے وکیل کو وارننگ دیتے ہوئے کہا اگرکرشنگ ہوئی تو ذمے داری آپ پر عائد ہوگی۔

تفصیلات کے مطابق لاہور ہائیکورٹ میں شریف خاندان کی تین شوگرملز سے متعلق کیس کی سماعت ہوئی،عدالت نے ن کیس کے فیصلہ تک تینوں ملوں میں کرشنگ روک دی اور چیف جسٹس نے وکیل کو تنبیہہ کی کہ اگر ملز میں کرشنگ ہوئی تو اس کی ذمہ داری آپ پر عائد ہوگی۔

چیف جسٹس نے ریمارکس میں کہا کہ متعلقہ سیشن ججز کو ہدایات جاری کریں گے کہ وہ جائزہ لیں کہ کرشنگ ہورہی ہے یا نہیں۔

عدالت نے رجسٹرار ہائیکورٹ کو سیشن ججز سے رپورٹ طلب کرنے کے احکامات جاری کردئیے۔


مزید پڑھیں : سپریم کورٹ کا شریف خاندان کی 3شوگر ملزکو بند کرنے کا حکم


خیال رہے کہ سپریم کورٹ نے اتفاق، چویدھری اور حسیب وقاص شوگر ملز کا کیس واپس ہائیکورٹ کو بھجوایا تھا، سپریم کورٹ کی جانب سے ان شوگر ملز پر ایک ہفتے کے لئے کرشنگ بند کرنے کے احکامات پہلے ہی جاری کئے جاچکے ہیں۔

لاہور ہائیکورٹ بیس فروری سے روزانہ کی بنیاد پر کیس کی سماعت کرے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top