The news is by your side.

Advertisement

لاہورکے بعد کراچی سے بھی نوجوان کو شام بھیجنے کا انکشاف

کراچی : لاہورکے بعد کراچی سے بھی نوجوان کو شام بھیجنے کا انکشاف ہوا ہے۔

کراچی میں نوجوان کو شام بھیجنے والا کالعدم تنظیم کا کارندہ دھر لیا گیا، سی ٹی ڈی پولیس نے اورنگی ٹاؤن میں کارروائی کرتے ہوئے کالعدم تنظیم کے کارندے عزیز اللہ کو گرفتار کرلیا، جس کا تعلق کالعدم جنداللہ حاجی خلیل گروپ سے ہے۔

ملزم کو چندہ اکٹھا کرنے کا ٹاسک ملا تھا اور اس کے بارہ سے چودہ ساتھی بھی ہیں، سی ٹی ڈی نے ملزم کا تیس روز کا ریمانڈ حاصل کرلیا ہے۔

سی ٹی ڈی حکام کے مطابق عزیز اللہ نوجوانوں کو بھرتی کیلئے ترغیب دیتا تھا اوراس نے حمزہ نامی لڑکے کو شام بھیجا جو دوران لڑائی مارا گیا تھا۔

ترجمان رینجرز کے مطابق اورنگی ٹاؤن میں ہی کارروائی کے دوران کالعدم تنظیم سے تعلق رکھنے والے دو ملزمان کو گرفتار کرلیا ملزمان سے اسلحہ بھی برآمد ہوا ہے۔

Comments

comments

یہ بھی پڑھیں