لاہور میں دو روزہ لٹریری فیسٹیول کا آغاز -
The news is by your side.

Advertisement

لاہور میں دو روزہ لٹریری فیسٹیول کا آغاز

لاہور : دو روزہ ادبی میلے لٹریری فیسٹیول کا آغاز ہوگیا، ادبی میلے میں ملک بھر سے ادیبوں اور فنکاروں کے علاوہ بیرون ملک سے بھی مہمان شرکت کر رہے ہیں ۔

کراچی کے بعد لاہور میں خوبصورت ادبی میلے کا آغاز ہوگیا،لاہور کے نجی ہوٹل میں شروع ہونے والے لٹریری فیسٹیول کا افتتاح بھارتی اداکارہ شرمیلا ٹیگور کی ڈاکیومنٹری سفر سے ہوا جسے شرکاءنے خوب سراہا۔

لٹریری فیسٹیول میں پاکستان سمیت دنیا بھر سے شاعر ، ادیب اور فنون لطیفہ کی معروف شخصیات شریک ہیں، پہلے سیشن میں بھارتی اداکارہ شرمیلاٹیگور شریک ہو ئیں اس موقع پر شرکا نے شرمیلا ٹیگور کی زندگی کے حوالے سے گفتگو کی، بھارتی اداکارہ شرمیلا ٹیگور میلے شرکت کیلئے خصوصی طور پر واہگہ بارڈر سے لاہور پہنچی ہیں۔

فیسٹیول کے پہلےروز کل چوبیس سیشن ہونگے جس میں حال ہی میں انتقال کر نے معروف افسانہ نگار انتظار حسین پر بھی سیشن شامل ہے ، جس میں نامور ادیب انتظار حسین کی کتاب ”دی ورلڈ آف انتظار حسین“ پر تبادلہ خیال ہو گا۔

میلے میں شریک ملکی اور غیر ملکی مہمانوں نے فیسٹیول کے انعقاد کو خوش آئند قرار دیا، امید کیجارہی ہے کہ اس طرح کے پروگراموں کاانعقاد معاشرے میں ادب و ثقافت کے فروغ کامیں اہم کردار ادا کرے گا۔

Comments

comments

یہ بھی پڑھیں