site
stats
پاکستان

لاہورمیں فائرنگ کا مرکزی ملزم گرفتار‘ اسلحہ برآمد

لاہور: ۔ پنجاب پولیس نے نواں کوٹ میں فائرنگ کے  مرکزی ملزمان کو گرفتار کرلیا گیا ہے‘اے آروائی نیوز پر خبرنشر ہونے کے بعد وزیراعلیٰ پنجاب نے واقعے کا نوٹس لیا تھا۔

تفصیلات کے مطابق نواں کوٹ میں سرِعام ہوائی فائرنگ کیس میں اہم پیش رفت ہوئی ہے پنجاب پولیس کا کہنا ہے کہ ہوائی فائزنگ کیس کے مرکزی ملزم چوہدری سفیان اورہنی کو گرفتارکرلیا گیاہے۔ چوہدری سفیان یو سی 94 یوتھ ونگ کا جنرل سیکریٹری ہے۔

گرفتار ملزم کے پاس سے برآمد ہونےوالا اسلحہ پولیس نے اپنی تحویل میں لے لیا ہے۔ پولیس کا کہنا ہے کہ اب تک اس سلسلے میں پانچ ملزمان کو حراست میں لیا جا چکا ہے ۔

یہاں پڑھیں:لاہور، ہوائی فائرنگ کرنے والا مسلم لیگ (ن) کا کارکن نکلا

ذرائع کا کہنا ہے کہ چوہدری سفیان مسلم لیگ (ن) کی رکنِ صوبائی اسمبلی بلال یاسین کے ساتھ تصاویر اس بات کی گواہ ہیں کہ فائرنگ کرنے والا شخص مسلم لیگ (ن) کا سرگرم کارکن ہے۔

واقعہ کا نوٹس لیتے ہوئے وزیراعلیٰ پنجاب شہباز شریف نے سی سی پی او لاہور سے رپورٹ طلب کرلی اور کوئی امتیاز برتے بغیر قانون و آئین کے تحت سخت سے سخت کارروائی کا حکم دے دیا تھا۔

واضح رہے کہ سوشل میڈیا پر چوہدری سفیان کی جانب سے کلاشنکوف کے ذریعے شدید ہوائی فائرنگ کی ویڈیو نے ہر شخص کی توجہ حاصل کر لی تھی جس کے بعد یہ معاملہ صوبائی حکومت کی نگاہ تک پہنچا اور وزیر اعلیٰ نے تادیبی کارروائی کا حکم صادر کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top