لاہور میں پی ایس ایل کے دوسرا مرحلہ شروع ہونے سے قبل پولیس افسر نے طیش میں آکر شہری کو تھپڑ جڑ دیا۔
اے آر وائی نیوز کے مطابق لاہور کے قذافی اسٹیڈیم کے باہر ڈی ایس پی نے غصے میں آکر موٹر سائیکل سوار کو تھپڑ مار دیا، شہری بھی تھپڑ کھا کر خاموشی سے چلا گیا لیکن واقعے کی ویڈیو منظرعام پر آگئی۔
ویڈیو میں دیکھا جاسکتا ہے کہ ڈی ایس پی گلبرگ عامر عباس نے شہری کو تھپڑ مارا۔
سرخ ہیلمٹ پہنے شہری کو ڈی ایس عامر عباس کو تھپڑے مارے دیکھا جاسکتا ہے، ڈی ایس پی نے شہری کو کیوں مارا اس کی وجہ سے فی الحال سامنے نہیں آسکی ہے۔
ویڈیو پر شہریوں میں غم و غصہ پایا جاتا ہے اور وہ ڈی ایس پی کے اقدام پر افسوس کا اظہار کررہے ہیں۔
واضح رہے کہ پی ایس ایل 7 کے دوسرے مرحلے کا آغاز اب سے کچھ دیر بعد ہورہا ہے جس میں ملتان سلطانز اور پشاور زلمی کی ٹیمیں مدمقابل آئیں گی۔
لاہور میں میچز کے لیے سیکیورٹی کے سخت انتظامات کیے گئے ہیں اور متبادل ٹریفک پلان بھی مرتب کیا گیا ہے جبکہ اسکولوں اور یونیورسٹیوں کے اوقات بھی تبدیل کیے گئے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں